საფრანგეთის პრეზიდენტმა, ემანუელ მაკრონმა პარიზში საფრანგეთის ელჩებთან შეხვედრისას განაცხადა, რომ უსაფრთხოების საკითხებში ევროპა აშშ-ის ვეღარ ენდობა. ამის შესახებ ინფორმაცია CNN-მა გაავრცელა.

"დღეს საკუთარ თავზე უნდა ავიღო პასუხისმგებლობა და უზრუნველყოთ საკუთარი უსაფრთხოება, ამით კი, ვიქონიოთ ევროპული სუვერენიტეტი", - განაცხადა მაკრონმა.

აშშ-ის პრეზიდენტად არჩევის შემდეგ დონალდ ტრამპს ჩრდილოატლანტიკური ალიანსისა და მეორე მსოფლიო ომის შემდეგ მშვიდობისა და უსაფრთხოების საკითხების მიმართ არაერთი კრიტიკა გამოუთქვამს.

მაკრონმა აღნიშნა, რომ ევროპის უსაფრთხოების საკითხზე ახალი ხედვების ნახვა სურს:

"მსურს, რომ ჩვენი უსაფრთხოება ამომწურავად განვიხილოთ ყველა ჩვენს ევროპელ პარტნიორთან, მათ შორის რუსეთთან".