საქართველოს პრეზიდენტის განკარგულებით, ზურაბ პატარაძე აზერბაიჯანის რესპუბლიკაში საქართველოს საგანგებო და სრულუფლებიანი ელჩის თანამდებობაზე დაინიშნა.

როგორც განკარგულებაშია აღნიშნული, ზურაბ პატარაძე აზერბაიჯანის რესპუბლიკაში საქართველოს საგანგებო და სრულუფლებიანი ელჩის თანამდებობაზე 2018 წლის 29 აგვისტოდან დაინიშნება.

4 ივლისს ზურაბ პატარაძემ ორწლიანი მმართველობის შემდეგ აჭარის მთავრობის თავმჯდომარის თანამდებობა დატოვა.

ზურაბ პატარაძე 2016 წლის 15 ივლისიდან აჭარის მთავრობის თავმჯდომარე იყო. 2013 წლიდან ის ყაზახეთის რესპუბლიკაში საქართველოს ელჩი იყო. 2012 წლიდან 2013 წლის პირველ მარტამდე კი თურქეთში საქართველოს ელჩი.