საქართველოს ყოფილი პრეზიდენრი, მიხეილ სააკაშვილი ამჟამინდელ პრეზიდენტს, გიორგი მარგველაშვილს მოუწოდებს ამერიკელი სენატორის, ჯონ მაკკეინის ხსოვნის პატივსაცემად, პრეზიდენტის სასახლეზე ნახევრად დაუშვას დროშა.

"ამას ხსოვნის ტრადიცია მოითხოვს, საქართველოს ეროვნული გმირის, ჯონ მაკკეინის ხსოვნისადმი პატივისცემის ნიშნად", - ამის შესახებ სააკაშვილი ფეისბუქის საკუთარ გვერდზე წერს.

2010 წლის იანვარში მაკკეინი სააკაშვილმა ეროვნული გმირის ორდენით დააჯილდოვა, იმ თანადგომისთვის, რომელიც მან საქართველოს რუსეთთან ომის დროს აღმოუჩინა. ის არაერთხელ იმყოფებოდა საქართველოში და აშშ-ს საკანონმდებლო ორგანოში მუდმივად ლობირებდა საქართველოს ინტერესებს.

25 აგვისტოს ამერიკელი სენატორი ჯონ მაკკეინი 81 წლის ასაკში გარდაიცვალა. მისი ოფისის განცხადებით, ის ოჯახის წევრების გარემოცვაში გარდაიცვალა.

2017 წლის ივლისში, მაკკეინის აგრესიული ფორმის კიბოს დიაგნოზი დაუსვეს.

გაიგეთ მეტი თუ რით დაამახსოვრა თავი საქართველოს ჯონ მაკკეინმა