ანაკლიაში მიმდინარე ფესტივალის Echowaves-ის ორგანიზატორები გარდაცვლილ ახალგაზრდა კაცთან დაკავშირებით განცხადებას ავრცელებენ. ორგანიზატორების განცხადებით, თანამშრომლობენ ყველა შესაბამის უწყებასთან გამომწვევი მიზეზების დასადგენად.

Echowaves ფესტივალის ორგანიზატორები მოუწოდებენ სტუმრებს გაუფრთხილდნენ საკუთარ ჯანმრთელობას:

"იმ შემთხვევაში, თუკი თავს შეუძლოდ იგრძნობთ, მიმართეთ ფესტივალის ტერიტორიაზე მობილიზებულ სასწრაფო სამედიცინო დახმარების ჯგუფებს, სამედიცინო პუნქტებს, ან SAFEWAVES-ისა და მანდალას მოხალისეებს", - წერია განცხადებაში.

25 აგვისტოს ფესტივალიდან, სასწრაფო დახმარების ჯგუფებმა საავადმყოფოში სამი ახალგაზრდა გადაიყვანეს. ერთ-ერთი მათგანი სამედიცინო დაწესებულებაში მისვლამდე გარდაიცვალა. საავადმყოფოს დირექტორის განცხადებით, ახალგაზრდას უცნობი სუბსტანციით ინტოქსიკაცია აღენიშნებოდა.

შინაგან საქმეთა სამინისტროს ინფორმაციით, Echowaves ნარკოდანაშაულისთვის 4 პირი დააკავეს.