"NATO-ში საქართველოს სწრაფ გაწევრიანებას ვერ ვხედავ", - ასე უპასუხა კანცლერმა სტუდენტის მიერ დასმულ კითხვას საქართველოს შანსებზე NATO-ში ინტეგრაციის მიმართულებით.

სტუდენტი დაინტერესდა ანგელა მერკელის აზრით, თუ რამდენად რეალისტურია მკვლევარ ლუკ კოფის მიერ შეთავაზებულ გეგმა, რომელშიც აქცენტი საქართველოს NATO-ში სწრაფ გაწევრიანებაზეა.

"გულწრფელად რომ გითხრათ, ჩვენ უნდა ვიყოთ გახსნილი, NATO-ში საქართველოს სწრაფ გაწევრიანებას ვერ ვხედავ, მაგრამ სწორედ აი, ამ კონსტელაციაში, აფხაზეთისა და სამხრეთ ოსეთის კონტექსტში, ჩემი აზრით, სწრაფ გაწევრიანებაზე ვერ ვისაუბრებთ, ყოველ შემთხვევაში, გერმანიის პოზიცია ასეთია, ასეთი დარჩება", – განაცხადა კანცლერმა.

მერკელის განცხადებით, ამის მიუხედავად, NATO-ს ბოლო სამიტზე დამტკიცდა ნატო-საქართველოს პაკეტი.

"დღეს შევხვდები გერმანელ ჯარისკაცებს, რომლებიც წვრთნებში იღებენ მონაწილებს ქართულ შეიარაღებულ ძალებთან ერთად. ეს არის ის, რაც არის შედარებითი კულტურა შეირაღებული ძალების, სტანდარტები ჩვენი ქვედანაყოფების. მაგალითად, გერმანია და საქართველო ერთობლივად მოქმედებენ ავღანეთში, საქართველო მონაწილეობს NATO-ს მისიებში, ევროკავშირისა და NATO-ს მიმართულებით. ნელ-ნელა ყველაფერი ახლოვდება, ყველაფერი იზრდება. ეს არის ჩემი ხედვა და პასუხი ამ კონკრეტულ კითხვაზე", – განაცხადა ანგელა მერკელმა თსუ-ში სტუდენტებთან შეხვედრაზე.