განათლების მინისტრი, მიხეილ ბატიაშვილი შავი ზღვის საერთაშორისო სტუდენტების ნაწილს ხვდება. სამინისტროსთან გამართული აქციის მონაწილე სტუდენტები უნივერსიტეტისთვის სტუდენტების მიღების ერთი წლით შეზღუდვას აპროტესტებენ.

აქციის ორგანიზატორები გადაწყვეტილებას უსამართლოსა და არაარგუმენტირებულს უწოდებენ.

შავი ზღვის საერთაშორისო უნივერსიტეტს სტუდენტების მიღების უფლება ერთი წლის ვადით შეეზღუდა. უმაღლესი საგანმანათლებლო დაწესებულებების ავტორიზაციის საბჭოს მიერ 2018 წლის 20 აგვისტოს მიღებული გადაწყვეტილებით, მიუხედავად იმისა, რომ სასწავლებელს ავტორიზაცია 6 წლით გაუგრძელდა, ისინი წელს სტუდენტებს ვერ მიიღებენ.

IBSU-ში მიაჩნიათ, რომ საბჭოს გადაწყვეტილება არაა ადეკვატური და მას უსაფუძვლოს და უსამართლოს უწოდებენ და საზოგადოებას მხარდაჭერას სთხოვენ.