გარემოსდაცვითი ზედამხედველობის დეპარტამენტის განცხადებით, მათ თანამშრომლებს სამსახურეობრივი მოვალეობის შესრულების დროს ფიზიკურად გაუსწორდნენ.

როგორც დეპარტამენტი განმარტავს, ბაღდათის მუნიციპალიტეტში მოქალაქეებს მანქანით ოთხი ერთეული თხმელას სახეობის მორი უკანონოდ გადაჰქონდათ. დეპარტამენტის თანამშრომლებმა მოქალაქეებს მანქანის გაჩერება მოსთხოვეს, თუმცა ისინი არ დაემორჩილნენ.

განცხადებაში ნათქვამია, რომ მანქანის იძულებით გაჩერების შემდეგ ერთ-ერთი მოქალაქე ზედამხედველობის დეპარტამენტის თანამშრომლებს ფიზიკურად გაუსწორდა და თავის არეში დაზიანება მიაყენა.

შინაგან საქმეთა სამინისტრომ 1986 წელს დაბადებული პირი სისხლის სამართლის კოდექსის 353-ე მუხლით დააკავეს, რაც საზოგადოებრივი წესრიგის დამცველის ან ხელისუფლების სხვა წარმომადგენლის მიმართ წინააღმდეგობის, მუქარის ან ძალადობის გულისხმობს.