ესპანეთის ჩემპიონატის ზოგიერთი მატჩი აშშ-სა და კანადაში გაიმართება.

ლა ლიგამ საერთაშორისო კომპანია Relevent-თან შეთანხმებას მიაღწია, რომლის ვადაც 15 წლიანია. შეთანხმების თანახმად, სეზონის ზოგიერთი შეხვედრა ამერიკის კონტინენტზე გაიმართება. საუბარია რეალის და ბარსელონას ზოგიერთ მატჩზე.

"თანამშრომლობის მიზანი ამერიკაში ფეხბურთისადმი ინტერესის გაზრდაა. იმედი გვაქვს, რომ 2026 წლის მსოფლიო ჩემპიონატამდე, რომელიც ამერიკასა და კანადაში გაიმართება, სერიოზულად წავიწევთ წინ", - აღნიშნა Relevent Sports-ის მფლობელმა სტივენ როსმა.

შეთანხმება პოზიტიურად შეაფასა ლა ლიგის პრეზიდენტმაც, რომლის თქმითაც, ამ ნაბიჯით ლა ლიგაც იხეირებს.

"თუ NBA და NFL მართავს შეხვედრებს საზღვარგარეთ, იგივე რატომ არ უნდა გააკეთოს ლა ლიგამაც? განვითარება ჩვენც გვჭირდება, თუმცა ამ ნაბიჯს კლუბების ინტერესი არ შეეწირება.