The Happy Prince ასე ჰქვია ფილმს, რომლის რეჟისორიც, სცენარის ავტორიცა და მთავარი როლის შემსრულებელიც ჩემი საუკეთესო მეგობრის ქორწილის ვარსკვლავი, რუპერტ ევერეტია.

ევერეტი ფილმში ოსკარ უაილდის როლს ასრულებს. კინოსურათში ასევე ვიხილავთ კოლინ ფერტსა და ემილი უოტსონს.

რეჟისორის ამპლუაში ეს ევერეტის პირველი ნამუშევარია და როგორც თვად ამბობს, ოსკარ უაილდის შესახებ ფილმის გადაღება და მისი როლის შესრულება ძალიან დიდი პატივი იყო.

"ძალიან მნიშვნელოვანი იყო გამეკეთებინა ფილმი ოსკარ უაილდის ბოლო, ძალიან ტრაგიკულ წლებზე. აქცენტი რა თქმა უნდა გაკეთებულია მის სექსუალობაზეც, იმ ეპიქაზე და ძალიან, ძალიან რთულ დროზე, რომელშიც მას მოუხდა ცხოვრება. თავის დროზე ძალიან გამიჭირდა საჯაროდ მეღიარებინა რომ გეი ვარ, ეს ჩემს ისტორიას რაღაცით ამსგავსებს ოსკარის ისტორიას. ამ ფილმის შექმნაში მთელი ჩემი ენერგია, ჩემი ძალები ჩავდე", - ამბობს რუპერტი.

ფილმის პრემიერა 5 ოქტომბერს შედგება.