კინოში კლიშე მზამზარეული სცენა, კადრი თუ სიუჟეტური გადაწყვეტაა, რომელსაც ზარმაცი რეჟისორები იყენებენ. დროთა განმავლობაში კლიშეებს მაყურებელი ეჩვევა და მეტიც, მოელის კიდეც, თუმცა ის, რაც სასაცილო, აქტუალური ან ეფექტიანი იყო გასულ საუკუნეში, აუცილებლად უნდა გადაიხედოს წლების შემდეგ. ნახეთ 10 კლიშე ქალების შესახებ, რომელიც უკვე მოსაწყენად ბანალურია.

1. ნებისმიერი გოგო/ქალი, რომელიც სათვალეს ატარებს, "შეუხედავად" და "უცნაურად" ითვლება

ფოტო: Miramax

სათვალიან გოგოებს უბრალოდ უნდათ, რომ კარგად ხედავდნენ სამყაროს. ხომ შეიძლება, იარლიყები არ მივაკეროთ?

2. მაგრამ თუ ქალი სათვალეს იხსნის, იმწამსვე Playboy-ის მოდელს ემსგავსება

ფოტო: Paramount Pictures

ამ დროს კი მაყურებელი ფიქრობს: ეს გოგო ყოველთვის მომხიბვლელი იყო. რატომ გამოჰყავთ ისე, თითქოს ახლა გალამაზდა?

3. ყველა მნიშვნელოვანი ცვლილება იმიჯის შეცვლით იწყება

ფოტო: M.G. Films Broadway Video

და მერე კიბეზე უნდა ჩამოხვიდე და შეკრებილმა საზოგადოებამ პირი დააღოს.

4. პროფესიონალმა, ჭკვიანმა ქალებმა კაბის ჩაცმა და მაღალ ქუსლებზე სიარული არ იციან

ფოტო: Warner Bros.

FBI-ს აგენტი რომ ხარ, საკმარისი არაა. სილამაზის კონკურსის პირობებსაც უნდა აკმაყოფილებდე.

5. თუ ქალს ღია ფერის თმა აქვს, ესე იგი, ქარაფშუტა და სულელია

რაში გვჭირდება გამოცდები და IQ ტესტები. უბრალოდ თმის ღერებს დავხედოთ ხოლმე.

6. თუ ქალს წარმატებული კარიერა აქვს, ცივსისხლიანია

ფოტო: Universal Pictures

წარმატებამდე გზა კი სხვა ადამიანების გათელვით გაიკვლია. აბა რა!

7. ერთადერთი გზა, რომლითაც გოგოებს აღიარების მოპოვება შეუძლიათ, სილამაზის სტანდარტებში ჩაჯდომაა.

ფოტო: Disney

ხვეულ თმას რას ერჩიან?

8. სამი სიტყვა: ქორწილზე. გადარეული. ქალები.

ფოტო: 20th Century Fox

საოცნებო საქორწილო კაბისთვის სამშობლოსაც კი გაყიდი.

9. ქალებს პრეისტორიულ ხანაშიც კი გაკეთებული წარბები და გაპარსული ფეხები აქვთ

ფოტო: Universal Pictures

ალბათ, გამოქვაბულებში გახსნილ სალონებს სტუმრობენ.

10. ქალებისთვის არაფერი შეედრება ცხოვრების მთავარ პრიზს - კაცის ყურადღებას

ფოტო: Touchstone Pictures

ჭირი იქა, ლხინი აქა.