ქართულ ოცნებას საპრეზიდენტო კანდიდატი ჯერ კიდევ არ დაუსახელებია. როგორც პარლამენტის ვიცე-სპიკერი გია ვოლსკი აცხადებს, გუნდში მიმდინარეობს მსჯელობა, რომ ან სალომე ზურაბიშვილს დაუჭერენ მხარს, ან საერთოდ არ ჩაერევიან ამ პროცესში.

"გადაწყვეტილად ვერაფერს გეტყვით", - აცხადებს ვოლსკი.

მსგავსი განცხადება ქართული ოცნების თავმჯდომარე ბიძინა ივანიშვილმა 24 ივლისს პირველ არხთან მიცემულ ინტერვიუში გაავრცელა. ივანიშვილი ამბობდა, რომ მისი პოზიციაა, დამოუკიდებელ კანდიდატს დაუჭირონ მხარი და თუ ასე არ იქნება, მაშინ "ოპოზიციამ გაინაწილოს ეს მანდატი".

ანალოგიურად ფიქრობს საქართველოს პრემიერ-მინისტრი მამუკა ბახტაძე. მისი თქმით, თუ კი ქართულ ოცნებას საკუთარი კანდიდატი არ ეყოლება, ეს დემოკრატიისთვის უკეთესი იქნება.

ჯერ კიდევ უცნობია როდის ჩატარდება საპრეზიდენტო არჩევნები. ამის გამო, ეროვნულ დემოკრატიულმა ინსტიტუტმა პრეზიდენტს რეკომენდაციებით მიმართა, სადაც ისინი მოუწოდბენ მარგველაშვილს, რაც შეიძლება მალე გამოაცხადოს არჩევნების თარიღი.