ჰოლივუდის ერთ-ერთი ყველაზე დიდი ვარსკვლავი, ჯულია რობერტსი, რომელსაც წელს განსაკუთრებულად დატვირთული წელი აქვს, პარფიუმერული ბრენდის, ლანკომის ახალ ფოტოსესიაში იღებს მონაწილეობას.

მანამ სანამ ბრენდი ოფიციალურ ფოტოებს გამოაქვეყნებს, პაპარაცებმა გადასაღები მოედნიდან ექსკლუზიური კადრები მოიპოვეს, რომელშიც მსახიობი უნაკლოდ გამოიყურება.

წელს ჯულია რობერტსის მონაწილეობით ორ პროექტს ვიხილავთ. პირველი Amazon Prime-ის სერიალი Homecoming არის, რომლის პრემიერაც 2 ნოემბერს შედგება. ხოლო მეორე პიტერ ჰეჯესის კინოსურათი Ben is Back, რომელიც ეკრანზე 7 დეკემბერს გამოვა.