მსახიობმა რაიან რეინოლდსმა დედპულის წარმატებული პირველი და მეორე ნაწილების შემდეგ, სუპერგმირთან დაკავშირებულ გეგმებზე ისაუბრა და თქვა, რომ სურს მომდევნო ნაწილებში უფრო მეტი ლგბტ პერსონაჟები გამოჩნდნენ, მათ შორის კი იყოს დედპულიც.

"ფილმი თანამედროვე სამყაროს გამოძახილი უნდა იყოს. ჩვენს [დედპულის] შემთხვევაში კი შესანიშნავი ის არის, რომ შეგვიძლია უამრავი სიახლით გავამდიდროთ ფილმი. დიდი იმედი მაქვს, რომ მომდევნო ფილმებში ბევრი ლგბტ პერსონაჟი გვეყოლება და მათ შორის იქნება დედპულიც", - ამბობს რეინოლდსი.

გამომდიანრე იქიდან, რომ ცოტა ხნის წინ ამავე ინიციატივით მარველის კინოსამყაროს ხელმძღვანელი გამოვიდა, გამორიცხული არ არის, რომ მალე ფილმში არაერთი გეი, ლესბოსელი, ტრანსგენდერი და ბისექსუალი პერსონაჟი ვიხილოთ.