აჭარის უმაღლესი საბჭოს თავმჯდომარე თორნიკე რიჟვაძე გახდა. აჭარის უმაღლეს საბჭოში ჩატარებულ კენჭისყრაზე დაამტკიცეს აჭარის ახალი მთავრობაც. უმაღლეს საბჭოში კენჭისყრა დღეს, 21 ივლისს ჩატარდა.

უმაღლესი საბჭოს თავმჯდომარე, დავით გაბაიძე მიიჩნევს, რომ ახალი მთავრობა დაკისრებულ მოვალეობას კარგად შეასრულებს. ნაციონალური მოძრაობის წევრი, ელგუჯა ბაგრატიონი მიიჩნევს, რომ რიჟვაძის მთავრობა რეგიონში არსებულ სოციალურ ფონს ვერ გააუმჯობესებს.

რიჟვაძე 2017 წლის დეკემბრიდან ენერგეტიკის განვითარების ფონდის დირექტორია. როგორც ფონდის ვებგვერდზე ვკითხულობთ, 2017 წლის ივლის-დეკემბერში ენერგეტიკის მინისტრის მოადგილე იყო. 2013-2017 წლებში შპს აჭარისწყალი ჯორჯიაში მუშაობდა, ხოლო 2011-2012 წლებში სს ოუფენ რევოლუშენ ჯორჯიაში აჭარის რეგიონალური მენეჯერის თანამდებობა ეკავა.

აჭარის მთავრობის თავმჯდომარემ, ზურაბ პატარაძემ ორწლიანი მმართველობის შემდეგ, თანამდებობა დატოვა. ამის შესახებ მან 4 ივლისს ბრიფინგზე განაცხადა. ზვიად პატარაძემ განმარტა, რომ ეს არის "ჩვეულებრივი როტაცია".