ზუსტად 10 წელი გავიდა მას შემდეგ, რაც AMC-ზე სერიალ Breaking Bad-ის პრემიერა შედგა. ვინს გილიგანის შოუმ ხუთი სეზონის განმავლობაში მიაჯაჭვა მაყურებელი ეკრანზე და უოლტერ უაიტის ისტორიის თვითმხილველი გახადა.

10 წლის იუბილის აღსანიშნავად, მსახიობები სან-დიეგოში, კომიკ-კონზე შეიკრიბნენ, თუმცა პირველად მოხდა ისე, რომ აქ მთავარი ვარსკვლავები არა ისინი, არამედ აარონ პაულის 5 თვის შვილი გახდა, რომელიც მამამ შეხვედრაზე Breaking Bad-ის კოსტიუმით მიიყვანა.

Breaking Bad ყველა დროის ერთ-ერთ საუკეთესო შოუდ მიიჩნევა და თავის დროზე, ის გახდა იმ სერიალთაგანი, რომლის ფინალურმა ეპიზოდმაც აშშ-ში რეკორდული რაოდენობის მაყურებელი "დაიჭირა" ტელეეკრანთან. შოუს დასკვნით სერიას პირდაპირ ეთერში 10 მილიონზე მეტმა ადამიანმა უყურა.

სერიალს არაერთი ჯილდო აქვს მიღებული, მათ შორის - ემის 16 ჯილდო, სატელიტის რვა ჯილდო, ორი ოქროს გლობუსი და ა.შ.

2013 წელს Breaking Bad მოხვდა გინესის მსოფლიო რეკორდების წიგნში, როგორც ყველა დროის ყველაზე აღიარებული ტელესერიალი.