პრემიერ-მინისტრის, მამუკა ბახტაძის თქმით, ნატოში საქართველოს წევრობა ვინმეს მიმართ მტრობას მიზნად არ ისახავს. ამის შესახებ პრემიერმა ბრიუსელში ალიანსის გენერალურ მდივანთან, იენს სტოლტენბერგთან ერთად გამართულ პრესკონფერენციაზე განაცხადა. ბახტაძემ რუსთავი 2-ის ჟურნალისტის კითხვის პასუხად შეაფასა რუსეთის პრეზიდენტის ვლადიმერ პუტინის განცხადება, საქართველოს ნატოში ინტეგრაციაზე.

"საქართველო დამოუკიდებელი ქვეყანაა და ჩვენ თავად მივიღებთ გადაწყვეტილებებს [გაწევრიანებაზე]. საქართველო და ნატოს წევრი 29 ქვეყანა თვითონ მიიღენ გადაწყვეტილებას იმის თაობაზე, როდის გაწვერიანდება საქრათველო ნატოში", - აღნიშნა პრემიერიმა.

ალიანსის გენერალურმა მდივანმა, იენს სტოლტენბერგმა განაცხადა, რომ რუსეთს არ აქვს უფლება მეზობლის სახელით რაიმე გადაწყვიტოს. მან პუტინის ნათქვამს "პროვოკაციული მუქარა" უწოდა და თქვა, რომ ეს აბსოლუტურად არასწორია:

"დიდმა სახელმწიფოებმა უნდა გადასინჯონ თავიანთი პოზიციები. ნორვეგია, პატარა სახელმწიფო, როდესაც შეუერთდა ნატოს, 1949 წელს, არასოდეს არ შევეგუებოდი იმას, რომ საბჭოთა კავშირს ეკარნახა, თუ რისი უფლება ჰქოდნა ნატოს და რისი - არა".

ჰელსინკის სამიტის შემდეგ, 17 ივლისს Fox News-თან ინტერვიუში, ვლადიმერ პუტინმა განაცხადა, რომ უკრაინის ან საქართველოს გაწევრიანება ნატოში პირდაპირი და დაუყოვნებლივი საფრთხეა რუსეთის ეროვნული უსაფრთხოებისთვის.