ბრიტანეთში უიშვიათესი ჯიშის კნუტები იპოვეს

შოტლანდიური ველური კატა მსოფლიოში უიშვიათესი კატის ჯიშია. მეცნიერების აზრით, ბუნებაში მხოლოდ 35 ინდივიდია დარჩენილი, თუმცა ახლახან, მოულოდნელად ცხოველთა კონსერვაციის ჯგუფმა ამ ჯიშის ორი დასუსტებული და მშიერი კნუტი გადაარჩინა, რომლებიც გამვლელმა შემთხვევით იპოვა.

შოტლანდიური ველური კატა გადაშენების პირასაა. ამის მიზეზი კი ის არის, რომ ხშირად ინდივიდები ბუნებაში გაქცეულ მოშინაურებულ კატებთან ჯვარდებიან და ჰიბრიდებს ქმნიან.

**გადარჩენილი კნუტები**

ფოტო: STEVE PIPER

ამ აღმოჩენამ ჯიშის პოპულაცია 7 პროცენტით, 37 ინდივიდამდე გაზარდა. შოტლანდიური ველური კატა ევროპული ველური კატის ქვესახეობაა. ის ახლა მხოლოდ შოტლანდიაშია გავრცელებული, თუმცა ოდესღაც ის მთელ ინგლისსა და უელსში გვხვდებოდა.

კნუტები სპეციალურ თავშესაფარში გადაიყვანეს. თუმცა სანამ ამას გააკეთებდნენ, ისინი დიდი ხნის განმავლობაში აკვირდებოდნენ იმ ადგილს, სადაც კნუტები იპოვეს, მაგრამ მათ დედის კვალი ვერსად ნახეს. მოძლიერების შემდეგ კნუტებს კვლავ ბუნებაში დააბრუნებენ.

ბოლო ამბები:

გირჩევთ