ძაღლის ხორცის ჭამის ტრადიცია ჩინეთში დაახლოებით 400 წლის წინ შეიქმნა, როგორც ზაფხულის მწველი სიცხისგან თავის არიდების ერთ-ერთ საშუალებად და ის ძირითადად ზაფხულის ბუნიობის ჟამს იწყება. ამ დროს 10 000-დან 15 000-მდე ძაღლს გალიებში ამწყვდევენ, შემდეგ ატყავებენ და მათი ხორცისგან ფესტივალის დამსწრეთათვის და ადგილობრივი მოსახლეობისთვის ეროვნულ კერძს ამზადებენ.

ამ არაჰუმანური და სასტიკი ტრადიციის მიმართ მსოფლიოს მასშტაბით უამრავმა ადამიანმა გამოხატა საკუთარი მოსაზრება და ფესტივალი მკაცრად გააკრიტიკა. მათ შორის იყვნენ ცხოველთა დაცვის ორგანიზაციები, რომლებიც აღნიშნული ფაქტის სისასტიკეზე მედიასთან აქტიურად საუბრობდნენ და ტრადიციას აპროტესტებდნენ. თუმცა, ცვლილების მოსახდენად რომელიმე ორგანიზაციის წევრობა აუცილებელი არ არის.

მარკ ჩინგი ამერიკელი აქტივისტია, რომლის მოქმედებებიც შეგვახსენებს იმას, რომ თუ რაიმეს შეცვლა გსურს, აუცილებლად შეცვლი!

მარკი რეგულარულად სტუმრობს ძაღლების სასაკლაოს და ცდილობს მეპატრონეები დაარწმუნოს თავიანთი მოქმედებების სისასტიკეში. წარსულში მან შეძლო ერთ-ერთი ასეთი სასაკლაოს მეპატრონეების დარწმუნება შეძლო. ის ძაღლების გადარჩენის სანაცვლოდ მეპატრონეებს ფულსაც უხდიდა.

„მაგრამ ხანგრძლივ ეს სოფელი, გაახარებს ვისმეს განა?“

და სწორედ ამ დროს დაიწყო ძაღლების ხოცვის ჩინური დღესასწაული. დღესასწაულამდე რამდენიმე ხნით ადრე მარკმა 1000 გასატყავებლად გამზადებული ძაღლის გალიებიდან დახსნა შეძლო. ცხადია, ეს არც თუ ისე დიდი რიცხვია იმასთან შედარებით, რამდენი ძაღლიც კვდება ფესტივალის სტუმართა სიამოვნებისთვის, მაგრამ დასაწყისისთვის საკმაოდ ეფექტურია.

თუმცა, ყველაფერი არც ისე მარტივადაა, როგორც ერთი შეხედვით ჩანს. ამერიკელ აქტივისტს ხშირად შექმნია პრობლემები თავისი საქმიანობის გამო. მაგალითად, როდესაც ის ქალაქ იულში მიემგზავრებოდა, მას თავს დაესხნენ და ფიზიკურად გაუსწორდნენ. მარკი რამდენჯერმე გადაიყვანეს პოლიციის განყოფილებაში, მაგრამ ამას მის მოტივაციასა და ენთუზიაზმზე არ უმოქმედია.

მარკი ხშირად უღებს ფოტოებს მის მიერ გადარჩენილ ძაღლებს და თავის ფეისბუქის გვერდზე აქვეყნებს.

გარდა ამისა, ამერიკელი ახალგაზრდა მოხალისეებსაც ეძებს, მათ ვინც მის საქმიანობაში ჩაერთვება და ძაღლების გადარჩენაში დაეხმარება.

ერთ-ერთი ასეთი აქტივისტი, ჩინელი იანგ იუჰუა იხსენებს:

„ჩვენ იულში იმისთვის ჩამოვედით, რათა ადამიანებს ვუთხრათ, რომ ძაღლები ჩვენი მეგობრები არიან და არ უნდა დახოცონ. ძაღლების უმეტესობა, რომლებსაც ისინი კლავენ, სახლის ცხოველები არიან, მოვლილები და კარგად აღზრდილები“.

აი, რას ამბობს თავად მარკი:

„ჯერ კიდევ კარგად მახსოვს ის დღე, როცა პირველად მოვხვდი ძაღლების სასაკლაოზე. იქამდე ასეთი ადგილი არ მენახა. ირგვლივ ყველაფერი სისხლიანი იყო. პირველად ვნახე როგორ კლავდნენ ცოცხალ არსებას, როგორ აწამებდნენ მათ. თავიდანვე რომ მცოდნოდა რა მელოდა, ალბათ არასდროს მოვიდოდი აქ, თუმცა ასე ხდება, როდესაც შენი თვალით იხილავ ამგვარ სისასტიკეს, ვერ გაჩერდები, აუცილებლად უნდა იმოქმედო. ამის შემდეგ შენს ცხოვრებას უკან იტოვებ და მას ამ საქმიანობას სწირავ“.

ამ არაჩვეულებრივი ადამიანის დახმარება და შესანიშნავ საქმიანობაში საკუთარი წვლილის შეტანა თქვენც შეგიძლიათ. ამისათვის უნდა შეხვიდეთ მარკის ოფიციალურ ფეისბუქ გვერდზე The Animal Hope & Wellness Foundation, გააზიაროთ მისი სიახლეები და შესწიროთ თანხა, რამდენსაც შეძლებთ.