კახა კახიშვილი: მთავარ პროკურორად წარდგენაზე უარი ვთქვი

13 Jul. 2018, 19:26

საქართველოს მთავარი პროკურორის პოზიციას მთავრობა ვერ შემომთავაზებდა. იქ ისეთი პროცედურებია. საპროკურორო საბჭოში წარადგენენ ან არასამთავრობო ორგანიზაციები, ან სამეცნიერო და აკადემიური წრეების წარმომადგენლები. ჩემზე იყო რამდენიმე წარდგენა გაკეთებული.

სიმართლე გითხრათ, მე თავად დავუკავშირდი საპროკურორო საბჭოს და ვთხოვე ჩემი კანდიდატურის შეჩერება. იმიტომ რომ, ვფიქრობ, კონცეპტუალური რეფორმაა ჩასატარებელი სისხლის სამართლის პოლიტიკაში. ვფიქრობ, ბატონი შალვაც იუსტიციის სამინისტროც ჩაერთვება. ჩემი აზრით, სისხლის სამართლის საპროცესო კანონმდებლობაში რაღაც ნორმები რადიკალურად შესაცვლელია იმისთვის, რომ ჩვენ მივიღოთ ეფექტური საგამოძიებო სისტემა.

ბოლო ამბები: