რამდენიმე კვირის წინ გამოქვაბულში ჩარჩენილი ტაილანდელი ბავშვებისა და მათი მწვრთნელის ისტორიამ ყველას ყურადღება მიიპყრო. ტაილანში 11-დან 16 წლამდე თორმეტი ბავშვი და მათი ფეხბურთის მწვრთნელი უგზოუკვლოდ დაიკარგა. მაშველებმა მათ კვალს ცხრა დღის შემდეგ, გამოქვაბულის შესასვლელთან მიაგნეს, სადაც ბავშვების ველოსიპედები იპოვნეს.

დამატებით კიდევ ცხრა დღე დასჭირდა მღვიმიდან ბავშვებისა და მათი მწვრთნელის გამოყვანას. 18 დღის შემდეგ, როგორც იქნა, მაშველებმა ისინი უვნებლად გამოიყვანეს.

ამ პერიოდის განმავლობაში, არაერთი ადამიანი აკრიტიკებდა ბავშვების მწვრთნელს, ეკაპოლ ჩანთავონგს. ინტერნეტის მომხმარებლები წერდნენ, რომ მღვიმეში ჩარჩენა მწვრთნელის დაუდევრობის ბრალი იყო. როგორც ჩანს, ყველა ასე არ ფიქრობს. ტვიტერის ერთ-ერთმა მომხმარებელმა, სახელად yvvonelim9, ტაილანდელი ბავშვების ფეხბურთის მწვრთნელის დასაცავად საკუთარ პროფილზე მნიშვნელოვანი ფაქტების გამოქვეყნება დაიწყო.

აღმოჩნდა, რომ მრავალჯერ გაკრიტიკებული მწვრთნელი სინამდვილეში ის ადამიანია, ვისაც 12 ბავშვი სიცოცხლეს უნდა უმადლოდეს. გამოქვაბულში ყოფნის პერიოდში ის თავის წილ საჭმელს ბავშვებს აძლევდა, ენერგიის აღსადგენად მათ მედიტაციასა და სულიერი მდგრადობის შენარჩუნებაში ეხმარებოდა. ეკაპოლმა დაამტკიცა, რომ ბავშვების გადარჩენაში მას უდიდესი როლი აქვს შესრულებული.

აი, რას წერს ტვიტერის მომხმარებელი ტაილანდელი ბავშვების მწვრთნელის შესახებ.

"ეკაპოლმა მოჯახი 10 წლის ასაკში დაკარგა და ის ობოლია. მისი მშობლები ჩრდილოეთ ტაილანდში გავრცელებული დაავადების შედეგად დაიღუპნენ. ის ერთადერთია ოჯახიდან, ვინც დაავადებას გადაურჩა. 12 წლამდე მას ნათესავები ზრდიდნენ, შემდეგ კი მონასტერში გაგზავნეს. მასზე ამბობენ, რომ "სევდიანი და მარტოხელა" ადამიანი იყო"

ფოტო: Twitter

"ის ბერობას აპირებდა, თუმცა მონასტერი თავისი ავადმყოფი ბებიის მოსავლელად დატოვა, რომელიც ჩრდილოეთ ტაილანდში, მაე საიში ცხოვრობდა. ამის შემდეგ, ის შეთავსებით მუშაობდა მონასტერში და ახლადჩამოყალიბებულ საფეხბურთო გუნდს წვრთნიდა"

ფოტო: Twitter

"მან თავის მოწაფეებში მონათესავე სული აღმოაჩინა. მათი უმრავლესობა ღარიბ ოჯახში გაზრდილი იყო, ზოგიერთები კი, მიანმარისა და ტაილანდის საზღვარს შორის გავრცელებული, მოქალაქეობის არმქონე ეთნიკური უმცირესობების წარმომადგენლები იყვნენ"

ფოტო: Twitter

ფოტო: Twitter

"მას ეს ბავშვები საკუთარ თავზე მეტად უყვარდა", - ამბობს ჯოი ხამპაი, მისი დიდი ხნის მეგობარი, რომელიც მაე საე-ს მონასტერში, ყავის ჯიხურში მუშაობს, - "ის არ ეწევა, არ სვამს. კეთილი ადამიანია, რომელიც უვლის საკუთარ თავს და ბავშვებსაც იმავეს ასწავლის"

ფოტო: Twitter

"ის გუნდის მთავარ მწვრთნელს, ნოპარატს დაეხმარა ისეთი სისტემის შექმნაში, რომელიც ბავშვების სიყვარულს ფეხბურთის მიმართ აკადემიური წარმატებისთვის დამატებით მოტივაციად გამოიყენებდა. თუკი ისინი განსაკუთრებულ შეფასებებს მიიღებდნენ სკოლაში, საჩუქრად საფეხბურთო ეკიპირებას მიიღებდნენ"

ფოტო: Twitter

"მთავარი მწვრთნელი და ეკაპოლი სპონსორების ძებნაში დიდ დროს ატარებდნენ, რათა Moo Pa-ს მოთამაშეებისთვის დაემტკიცებინათ, რომ გაცილებით მეტის მიღწევა შეეძლოთ, ვიდრე მათ სოფელი უწინასწარმეტყველებდა - მათ შორის, პროფესიონალ სპორტსმენად ჩამოყალიბებაც"

ფოტო: Twitter

"მან საკუთარი თავი ბავშვებს მიუძღვნა", - თქვა ნოპარატმა, გუნდის მთავარმა მწვრთნელმა. როცა მშობლებს არ შეეძლოთ, მას მიჰყავდა და მოჰყავდა ბავშვები მათი სახლებიდან და ისე უვლიდა ბავშვებს, როგორც საკუთარი ოჯახის წევრებს.

ფოტო: Twitter

"ფიზიკური განვითარების მასწავლებლების თქმით, მას ბავშვებისთვის მკაცრი სავარჯიშო პროგრამა ჰქონდა შედგენილი. მათ შორის, მაე საეს მთებში ველოსიპედით სიარული"

ფოტო: Twitter

"ოფიციალური ინფორმაციით, გადარჩენილებს შორის მწვრთნელი ყველაზე სუსტად გამოიყურებოდა, რადგან პირველ დღეებში თავის წილ ისედაც მცირე საკვებსა და წყალს ბავშვებს აძლევდა. გარდა ამისა, ის მათ მედიტირებასა და ენერგიის მობილიზებას ასწავლიდა"

ფოტო: Twitter

"ის ასწავლიდა ბავშვებს, როგორ დაელიათ წყალი მღვიმის კედლებიდან. ცხადია, უშლიდა იმ ამღვრეული წყლის სმას, რომლის გამოც მღვიმეში ჩარჩნენ"

ფოტო: Twitter

ფოტო: Twitter

"ის რომ მათთან ერთად არ ყოფილიყო, რა ეშველებოდათ ჩვენს შვილებს? - თქვა ერთ-ერთმა ბავშვის მშობელმა ტაილანდურ ტელევიზიასთან საუბრისას. "როდესაც ის მღვიმიდან გამოვა, ჩვენ ყველამ უნდა გავამხნევოთ. ჩემო ძვირფასო ეკ, მომხდარში შენ არასდროს დაგადანაშაულებ"

ფოტო: Twitter

"ეკაპოლის წერილი, რომელიც მან მღვიმიდან გამოაგზავნა: "გპირდებით, რომ ბავშვებზე მაქსიმალურად ვიზრუნებ. ყველას დიდი მადლობა გვერდში დგომისთვის. მინდა, რომ ბოდიში მოგიხადოთ"

ფოტო: Twitter

"ერთ-ერთი მომხმარებლის ნახატი. ეკაპოლი და მის მკლავებში მოქცეული 12 გარეული ტახი"

ფოტო: Twitter

"მღვიმეში ჩარჩენილი ერთ-ერთი ბავშვის ნახატი, რომელშიც ჩანს, თუ როგორ სხედან გარეულ ტახზე მწვრთნელი და ბავშვები"

ფოტო: Twitter

23 ივნისს ტაილანდის გამოქვაბულში გაუჩინარებული 12 ფეხბურთელი ბავშვი და მათი მწვრთნელი ცხრადღიანი ძებნის შემდეგ, გამოქვაბულის სიღრმეში ბრიტანელმა მყვინთავებმა ცოცხლები იპოვეს. ისინი ტურისტებისთვის კარგად ნაცნობ გამოქვაბულში საფეხბურთო ვარჯიშის შემდეგ მწვრთნელთან ერთად შევიდნენ, თუმცა მუსონური წვიმების გამო, წყლის დონემ მოულოდნელად მოიმატა და გარეთ გამოსვლა ვეღარ მოახერხეს.

7 ივლისს საღამოს დაწყებულმა წვიმამ, რომელიც კვირას გაგრძელდა, ტაილანდის ხელისუფლება აიძულა ოპერაცია ნაჩქარევად დაეწყო. სამაშველო ოპერაცია სრულ სიბნელეში სიარულს, ცოცვას, ცურვას და ყვინთვას გულისხმობდა. მაშველებს და ბიჭებს სახეზე სპეციალური ნიღბები ეკეთათ, ასევე თან ჰქონდათ ჟანგბადის ბალონები. თითოეულ ბიჭს ორი მაშველი აცილებდა.

ამავე თემაზე: