აშშ-ის პრეზიდენტმა დონალდ ტრამპმა განცხადა, რომ გერმანია, რუსეთის მძევალია. ამის შესახებ ტრამპმა სამიტის წინ ნატოს გენერალურ მდივანთან, იენს სტოლტენბერგთან შეხვედრისას თქვა.

ტრამპის განმარტებით, გერმანია რუსეთისგან ენერგორესურსებს ყიდულობს და ამაში მილიარდობით დოლარს ხარჯავს:

"ვფიქრობ, ამაზე NATO-მ უნდა იმსჯელოს".

სტოლტენბერგმა უპასუხა, რომ შესაძლოა ალიანში უთანხმოება არსებობს, თუმცა ისინი ერთად უფრო ძლიერები არიან, ვიდრე ცალ-ცალკე. ტრამპს მიაჩნია, რომ ალიანსი ვერ იქნება ძლიერი, როდესაც "გერმანია რუსეთს ამდიდრებს".

"გერმანია, რამდენადაც მესმის, რუსეთის მძევალია", - გაიმეორა ტრამპმა.

11-12 ივლისს ბრიუსელში ნატოს სამიტი გაიმართება. 12 ივლისს საქართველოს დელეგაცია, პრეზიდენტ გიორგი მარგველაშვილის ხელმძღვანელობით, ბრიუსელში ჩრდილოატლანტიკური ალიანსის ლიდერებს შეხვდება. ნატოს სამიტის ფარგლებში შეხვედრა სამმხრივ ფორმატში, უკრაინის დელეგაციასთან ერთად გაიმართება.