არიზონას შტატში მცხოვრები ოქროსფერი ლაბრადორი ტოდი დღის გმირი გახდა. მან პატრონი, პაულა გოდვინი გველის ნაკბენისგან გადაარჩინა, რის მერეც გველმა ოქროსფერ რეტრივერს უკბინა.

პაულამ ამის შესახებ ფეისბუქსე დაპოსტა. მან თავისი ოთხფეხა მეგობრის პატარა გასიებული სახის სურათი ატვირთა და თან მოაყოლა ამბავი, რომელიც მათ გადახდათ.

ფოტო: www.bbc.com

"გორაზე სეირნობის დროს ცოტაც მაკლდა და გველს დავაბიჯებდი ფეხს, მაგრამ ჩემმა გმირმა გადამარჩინა", - წერს გოდვინი.

ტოდმა მაშინვე მოახდინა რეაგირება, როგორც კი შენიშნა, რომ მის პატრონს გველი უახლოვდებოდა.

"ფეხებში მებლანდებოდა [ტოდი] და ზუსტად მაშინ გველმა უკბინა", - აღნიშნა გოდვინმა BBC-სთან საუბრისას.

"ტოდმა მაშინვე დაიწყო წკმუტუნი. ხელში ავიყვანე და გავიქეცით. 10 წუთში უკვე საავადმყოფოში ვიყავით", - ამბობს პაულა.

ტოდს ვეტერინარებმა შხამსაწინააღმდეგო ვაქცინა გაუკეთეს. ძაღლს ჰოსპიტალში დარჩენა 12 საათით მოუწია.

ოქროსფერი რეტრივერის სურათები მალევე გავრცელდა სოციალურ ქსელებში, ხოლო Twitter-ის პოპულარულმა გვერდმა WeRateDogs ტოდს "ნამდვილი გმირი" შეარქვა.