ცესკო საცხოვრებელი ადგილის მიხედვით რეგისტრაციიდან მოხსნილ, რეგისტრაცია ძალადაკარგულ და მისამართის მითითების გარეშე რეგისტრირებულ ამომრჩეველს მიმართავს, რომ 2016 წლის საპარლამენტო არჩევნებში მონაწილეობის მისაღებად პირველ აგვისტომდე უნდა გამოცხადდნენ იუსტიციის სამინისტროს სახელმწიფო სერვისების განვითარების სააგენტოში:

"მათ უნდა გაიარონ რეგისტრაცია საცხოვრებელი სახლის მისამართის მიხედვით ან მათ შეუძლიათ მიუთითონ მხოლოდ ფაქტობრივი საცხოვრებელი ადგილი. ისინი ისარგებლებენ გარკვეული შეღავათებით, მათ შორის კონკრეტული კატეგორიის ამომრჩევლები გათავისუფლებულები იქნებიან მომსახურების გადასახადისგან".

ცენტრალური საარჩევნო კომისია ასევე ახსენებს იმ პოლიტიკურ პარტიებს, რომლებსაც არჩევნების დანიშვნის დღისთვის საქართველოს პარლამენტში წარმომადგენელი არ ჰყავთ და სურთ არჩევნებში მონაწილეობა, ცესკოს თავჯდომარეს სათანადო განცხადებით 1-ელ აგვისტომდე მიმართონ, რის შემდეგაც მათ მხარდამჭერთა სიები უნდა წარადგინონ.