ფრანგი ფეხბურთელის სამუელ უმტიტის თქმით, საფრანგეთის ნაკრებს მესის წინააღმდეგ შანსებს ის გაუზრდის, რომ მესი არგენტინელებისგან ისეთ მხარდაჭერას ვერ იღებს, როგორსაც ბარსელონას ფეხბურთელებისგან იღებს.

"იგი არგენტინაში ბარსელონასგან განსხვავებულ ფეხბურთს თამაშობს. მას აქ არც იგივე ფეხბურთელები ჰყავს და მათი თამაში სტილიც განსხვავებულია. მიუხედავად ამისა, მესიმ რამდენჯერმე მოახერხა გუნდის გადარჩენა, თუმცა ყველაფერს მარტო ვერ გაუმკლავდება".

უმტიტი უკვე ორი წელია, რაც ბარსელონაში მესის თანაგუნდელია.

რაც შეეხება მსოფლიო ჩემპიონატის მერვედფინალურ შეხვედრას არგენტინასა და საფრანგეთს შორის, მატჩი 30 ივნისს, 18:00-ზე გაიმართება.