პარლამენტის საგამოძიებო კომიტეტის სხდომაზე ხორავას საქმის პროკურორმა, ზვიად ფხაკაძემ განაცხადა, რომ მიხეილ კალანდიას ქურთუკის ექსპერტიზა არ ჩატარდა, რადგან საქმეს ახალ დეტალებს არ შემატებდა.

კომისიის წევრის, მამუკა მდინარაძის კითხვაზე - რატომ არ ამოიღეს კალანდიას ტანსაცმელი ექსპერტიზისთვის, მაშინ როცა სარალიძესთან უშუალოდ შემხებ ყველა პირის ტანსაცმელს ჩაუტარდა ექსპერტიზა - ფხაკაძე პასუხობს, რომ ამის შესახებ ჩვენებაც საკმარისი მტკიცებულება იყო:

"ტანსაცმლის არსებობა, ამოღება, ან არ ამოღება არსებითად მნიშვნელოვან გარემოებას იმ კუთხით არ ცვლიდა, რომ მ.კ-ს [მიხეილ კალანდიას] სისხლიანი ტანსაცმელი დაადასტურებდა მხოლოდ ერთ ფაქტობრივ დეტალს, რომ მას რეალურად შეხება ჰქონდა კონფლიქტში მონაწილე მხარეებთან, კერძოდ, დავით სარალიძესთან."

გარდაცვლილი დავით სარალიძის მამა ამტკიცებდა, რომ კალანდია მისი შვილის ერთ-ერთი მკვლელია. საქმის პროკურორის განცხადებით, ჩვენებებით აქვთ ინფორმაცია, რომ კალანდიას შეხება უკვე დაჭრილ სარალიძესთან ჰქონდათ და ტანსაცმლის ექპერტიზა მხოლოდ ამას დაადასტურებდა:

"კალანდია ადასტურებს, რომ მაშინ ჰქონდა კავშირი სარალიძესთან, როცა უკვე დაჭრილი იყო და სისხლი სდიოდა. იმას, რომ მ.კ-ს დავით სარალიძესთან ჰქონდა რეალური კავშირი ადასტურებს სხვა მოწმეც. ის, რომ ტანსაცმელი არ არის, არ გამორიცხავს იმას, რომ მ.კ-ს კავშირი ჰქონდა გარდაცვლილთან. ერთადერთი რაც დადასტურდებოდა, სისხლიანი ტანსაცმლით იყო ეს."

საგამოძიებო კოსმიაში ქართული ოცნების წევრმა, მამუკა მდინარაძემ პროკურორს რა საფუძველზე დაყრდნობტ გადაწყდა, რომ კალანდიას ტანსაცმელზე სისხლის კვალი დამატებით ინფორმაციას არ შეიცავდა.

"ცალსახად მსჯელობა იმაზე, რომ ეს [კალანდიას ქურთუკის ექსპერტიზა] არაფერს არ მოგვცემდა რას ნიშნავს, მინდა დააზუსტოთ. ლოკაციასაც ხომ გააჩნია სად იქნება სისხლი. ცალ ხელზე იქნება, ორივეზე თუ ტანსაცმელზე, ამასაც მნიშვნელობა აქვს. ცალსახცად იმის თქმა, რომ არაფერს არ მოგვცემდა [ექსპერტიზა], შეიძლება არ იყოს მართებული", - განაცხადა მდინარაძემ.

მდინარაძის პასუხად პროკურორმა განაცხადა, რომ გამოძიება ეცადა მოეპოვებინა კალანდიაზე მამხილებელი მტკიცებულებები, მაგრამ ვერ მოიპოვეს ინფორმაცია, რომელიც დაადასტურებდა კალანდიას მხრიდან სარალიძეზე დანის დარტყმას. მიუხედავად ამისა, მან კიდევ ერთხელ განმარტა, რომ სისხლიანი ტანსაცმელი დამატებით მტკიცებულებას არ შემატებდა საქმეს და მხოლოდ არსებულ ინფორმაციას გაამყარებდა.

დღეს, 24 ივნისს საგამოძიებო კომიტეტი ხორავას საქმის პროკურორსა და გამომძიებელს უსმენდა.

ამავე თემაზე: