Rolling Stone-მა ჯონი დეპის შესახებ ვრცელი მასალა მოამზადა, სადაც მოთხრობილია, თუ როგორ გაღარიბდა ერთ დროს ყველაზე მაღალანაზღაურებადი და მოთხოვნადი მსახიობი.

როგორც სტატიაში წერია, დეპის $650 მილიონიანი ქონება ნელ-ნელა სულს ღაფავს და მსახიობი საკუთარი მფლანგველი ბუნების, ნარკოტიკთან და ალკოჰოლთან დაკავშირებული პრებლემების გამო ფინანსურ კრიზისშია.

აქამდე ჯონი დეპის ფინანსური ოპერაციებით ცნობილი კომპანია TMG იყო დაკავებული, თუმცა მსახიობმა მათ წინაამდეგ სარჩელის შეტანა, ამის მიზეზი კი გახდა ის, რომ მენეჯერებმა დეპს ვალების გასასტუმრებლად საფრანგეთში მდებარე უძრავი ქონების გაყიდვა მოსთხოვეს. ჯონი დეპის თქმით მათ შეეძლოთ ფინანსური მდგომარეობის შესახებ ინფორმაცია დროულად მიეწოდებინათ და გაკოტრება თავიდან აეცილებინათ.

თავის მხრივ, TMG ამბობს, რომ დეპის ხარჯები აღარ შეესაბამება იმ ფინანსურ მდგომარეობას, რომელიც მსახიობს გააჩნია და მას დამატებითი ვალების აღება უწევს.

ცნობისთვის, TMG-ის მიერ გავრცელებული ინფორმაციით ჯონი დეპი ბოლო 20 წლის განმავლობაში ყოველთვიურად დაახლოებით $2 მილიონს ხარჯავს.

ხარჯებს შორის კი ერთ-ერთი მოწინავე ადგილი ალკოჰოლს უკავია, რომელშიც დეპი დაახლოებით $30 ათასს ხარჯავს. გარდა ამისა ყოველთვიურად მოგზაურობაში მსახიობი მინიმუმ $200 ათასს იხდის.

მსახიობის ხარჯებში შევიდა კარდაშიანების შოუში გამოყენებული სკამის ანალოგი, რომლის ფასიც $7 ათასია და დეპმა ის შვილს უსახსოვრა.

გარდა ამისა, როგორც ცნობილია, ყოველთვიურად მსახიობი დიდი რაოდენობის თანხას ხარჯავს ნარკოტიკებზეც, რასაც საბოლოოდ ის გაკოტრებისკენ მიჰყავს.