დროებითი მთავრობის ნაციონალურ მოძრაობასთან შეხვედრაზე, ენმ-ის ლიდერმა, ნიკა მელიამ და შინაგან საქმეთა მინისტრობის კანდიდატმა, გიორგი გახარიამ იკამათეს.

ნიკა მელიამ გახარიას მისი დაკავების ამსახველი ფოტომასალა გადასცა და ჰკითხა რატომ ღებულობდნენ დეპუტატის დაკავებაში მონაწილეობას სამმართველოს უფროსები და არა რიგითი პოლიციელები. მელიას თქმით, ეს მიანიშნებს იმაზე, რომ სამართალდამცავებმა მისი აქციიდან გაყვანის შესახებ დავალება თავად გახარიასგან მიიღეს.

"მადლობა ასეთ ემოციური და შთამბეჭდავი პერფომანსისთვის", - განაცხადა გახარიამ მელიას პასუხად. გახარიამ მადლობა გადაუხადა თითოეულ პოლიციელს, რომელიც იმყოფებოდა რუსთაველზე მიმდინარე აქციაზე. მისი თქმით, პოლიციელებმა პოლიტიკოსების ნაწილისგან დიდი შეურაცხყოფა მოითმინეს მელია კი უხეშად არღვევდა წესრიგს.

გახარიამ აღნიშნა, რომ მელია პოლიციის ბრძანებებს არ ემორჩილებოდა, რაზეც მელიამ კონკრეტული ფაქტების მოყვანა მოითხოვა. გახარიას თქმით, მელია სპეკულირებდა დეპუტატის იმუნიტეტით, თუმცა განაცხადა, რომ იგივე სიტუაციის განმეორების შემთხვევაში მის მიმართ იგივე შედეგი დადგება.

თბილისის პარლამენტის წინ მიმდინარე აქციაზე "ნუ მომკლავ" სამართალდამცველებმა ენმ-ის წევრები, ნიკა მელია და ირაკლი ნადირაძე დააკავეს, რასაც წინ უძროდა დაპირისპირება პოლიციასა და ნაციონალური მოძრაობის დეპუტატებს შორის.

შინაგან საქმეთა სამინისტრომ განაცხადა, რომ ნიკა მელია დაკავებული არ იყო და ის სიტუაციას განარიდეს.