გაგარინზე, აკაკი გახოკიძის ქუჩაზე წყლის სარემონტო სამუშაოებისას მუშა დაშავდა. ამის შესახებ On.ge-ს საგანგებო სიტუაციების მართვის სამსახურში განუცხადეს.

უწყების ცნობით, შემთხვევა მაშინ მოხდა, როდესაც დაშავებული ორმოში იყო და წყლის მილი გაყავდა. მუშაობის დროს ორმო ჩამოიშალა და მუშას ფეხი ნაშალ მასალაში მოჰყვა. დაშავებულის ორმოდან ამოყვანის სამუშაოები ამ დრომდე გრძელდება.