შპს კრეატივი პლუსში 21 600 არაეტიკეტირებული კვერცხი აღმოაჩინეს. ამის შესახებ ინფორმაციას სურსათის ეროვნული სააგენტო ავრცელებს.

როგორც სააგენტოში ამბობენ, კვერცხები საეჭვო წარმომავლობისაა, უკვე დალუქეს და ბიზნესოპერატორს მისი განადგურება დაევალა.

2013 წლის მაისის N90 დადგენილებაში (ცხოველური წარმოშობის სურსათის ჰიგიენის სპეციალური წესის შესახებ) განისაზღვრა კვერცხის სავალდებულო ეტიკეტირების წესი. აღნიშნული წესი ბიზნესოპერატორს ავალდებულებს, სარეალიზაციოდ განთავსებულ კვერცხზე მიუთითოს წარმოშობის ქვეყანა და წარმოების თარიღი.