Tbilisi Open Air 2018 წლის ლაინაფს ცნობილი მუსიკოსი Sevdaliza დაემატა. ამის შესახებ ინფორმაციას Open air-ის ოფიციალური გვერდი ავრცელებს. ირანული წარმოშობის ჰოლანდიელი მუსიკოსი 22 ივნისის აქტის ერთ-ერთი მთავარი მონაწილე იქნება.

Sevdaliza საქართველოს გასულ წელს, Tbilisi Open Air 2017-ზეც ესტუმრა და მსმენელების დიდი მოწონება დაიმსახურა. მის მოსასმენად ირანიდანაც უამრავი ადამიანი იყო ჩამოსული. ეშხიანი და სექსუალური მომღერალი სცენაზე ექსტრავაგანტული კაბით გამოვიდა და სცენასთან შეკრებილი აუდიტორია მაშინვე მონუსხა. Sevdaliza სცენაზე მარველის კომიქსების გმირ შავ კატას მოგაგონებდათ, რომელიც თავისი ორიგინალური ცეკვითა და ეგზოტიკური იერით, ნამდვილი ძლიერი ქალის შთაბეჭდილებას ტოვებდა.

გასულ წელს მუსიკოსმა მსმენელებს პირობა მისცა, რომ საქართველოში კიდევ არაერთხელ ჩამოვიდოდა და როგორც ხედავთ, პირობა მალევე შეასრულა.

Tbilisi Open Air-ის 2018 წლის ფესტივალი სამდღიანი იქნება და 22, 23, 24 ივნისს, Lisi Wanderland-ზე გაიმართება.

Tbilisi Open Air საერთაშორისო მუსიკალური ფესტივალია, რომელიც როკისა და ელექტრონული მუსიკის მსმენელებისთვის 2009 წლიდან იმართება. ფესტივალის ფარგლებში საქართველოში ჩამოვიდნენ ისეთი ჯგუფები და შემსრულებლები, როგორებიცაა Deep Purple, Archive, Placebo, Air, Black Label Society, ბეთ ჰარტი, დემიენ რაისი და სხვები. წელს პირველად ფესტივალს Check In Georgia დააფინანსებს.

ფესტივალის სრული ლაინაფი იხილეთ აქ.

ამავე თემაზე არქივიდან: