შინაგან საქმეთა სამინისტროში უარყოფენ გავრცელებულ ინფორმაციას, რომ მირზა სუბელიანმა, რომელიც ხორავას ქუჩის საქმეში ფიგურირებს, საქართველო დატოვა. ამის შესახებ On.ge-ს უწყების პრესსამსახურში რამდენიმე წუთის წინ განუცხადეს.

სუბელიანია ერთ-ერთი ადამიანი, რომლის დაკავებასაც ხორავას ქუჩაზე მოკლული დავით სარალიძის მამა, ზაზა სარალიძე ითხოვს.

რუსთაველის გამზირზე რამდენიმე საათის წინ დაწყებული აქცია გრძელდება. აქციაზე ისმის შეძახილები "სისტემა უნდა დაინგრეს, წადით".

დღეს, 31 მაისს ხორავას ქუჩის საქმის გადაწყვეტილება გახდა ცნობილი, რის შემდეგაც აქციები დაიწყო, მოგვიანებით კი - გადადგა საქართველოს მთავარი პროკურორი, ირაკლი შოთაძე. აქციის მონაწილეებს მიაჩნიათ, რომ შოთაძის გადადგომა საკმარისი არაა და მთლიანად სისტემა და მისი მფარველი, მთავრობა უნდა შეიცვალოს.

დღეს, 31 მაისს ე.წ. ხორავას ქუჩის საქმეზე სასამრთლო გადაწყვეტილების გამოცხადების შემდეგ პროკურატურასთან აქცია დაიგეგმა, რომელმაც პარლამენტთან გადმოინაცვლა მას შემდეგ, რაც მთავარი პროკურორი, ირაკლი შოთაძე გადადგა.
აქციაზე #ნუმომკლავ ითხოვენ ყველა იმ პირის დასჯას, რომლებიც, მათი აზრით, ხორავას ქუჩის საქმის ფალსიფიცირებაში მონაწილეობდნენ.

დემონსტრანტებმა სხვა მოთხოვნებიც წამოაყენეს. მათ ხელისუფლებას ათ სააათამდე მისცეს ვადა იმისთვის, რომ მირზა სუბელიანი დააკავონ. ხორავას ქუჩაზე მოკლული დავით სარალიძის მამა ამტკიცებს, რომ მირზა სუბელიანს საქმესთან კავშირი აქვს და ის ხელს აფარებდა ბრალდებულებს.

ყველა დეტალი აქციებისა და ხორავას ქუჩაზე მკვლელობის შესახებ.