ხორავას ქუჩის საქმეზე პროკურორმა, მარიკა გოგოხიამ განაცხადა, რომ სასამართლოს განაჩენს სააპელაციოში გაასაჩივრებენ. მისი განმარტებით, რომ მისთვის განაჩენი ბუნდოვანი და გაურკვეველია.

"საქმეში არსებობდა მტკიცებულებები იმისა, რომ მხოლოდ ორი ბრალდებული იღებდა მკვლელობაში მონაწილეობას. ჩვენ გვქონდა ყველა უტყუარი მტკიცებულება, რომელიც ამას ადასტურებდა", - განაცხადა გოგოხიამ.

პროკურორის განმარტებით, მას შემდეგ, რაც განაჩენის სრულ ვერსიას მიაწოდებენ ცნობილი გახდება, რომელიც მტკიცებულება გაიზიარა სასამართლომ და რომელი არა.

თბილისის საქალაქო სასამართლომ ხორავას ქუჩის საქმეზე ერთი ბრალდებული სარალიძის ნაწილში გაამართლა, ხოლო მეორე ბრალდებულს სარალაძის ნაწილში მუხლი შეუცვალეს. კერძოდ, მუხლი განზრახ მკვლელობიდან მკვლელობის მცდელობად გადაკვალიფიცირდა.

დავით სარალიძის მკვლელობაში ბრალდებული გამოძიებას არ ჰყავს და დაკავებულს ედავებიან მხოლოდ განზრახ მკვლელობის მცდელობას.