საერთაშორისო არასამთავრობო ორგანიზაციის, რეპორტიორები საზღვრებს გარეშე გენერალურმა მდივანმა კრისტოფ დელორმა რუსი ჟურნალისტის, არკადი ბაბჩენკოს მკვლელობის ინსცენირებას "მანიპულაცია" უწოდა. იგი ტვიტერის საკუთარ გვერდზე ეხმაურება უკრაინის სპეც სამსახურების მიერ ჩატარებულ ოპერაციას. მისივე თქმით, ორგანიზაცია ღრმა შეშფოთებას გამოხატავს მომხდარის გამო:

"ეს არის საინფორმაციო ომის ახალი ნაბიჯი. მთავრობისთვის ყოველთვის სახიფათოა, ითამაშოს ფაქტებით, განსაკუთრებით ჟურნალისტების გამოყენებით, თავისი ცრუ ამბებისთვის".

დღეს, 30 მაისს, ბაბჩენკოს მკვლელობის საქმეზე პრესკონფერენციისას, უსაფრთხოების სამსახურის ხელმძღვანელმა, ვასილი გრიცაკმა პირდაპირ ეთერში, განაცხადა, რომ შეეძლო მიესამძიმრებინა არკადი ბაბჩენკოს ოჯახისთვის, თუმცა ამას არ გააკეთებდა და ბაბჩენკო ოთახში მიიწვია. პრესკონფერენციაზე ბაბჩენკომ განაცხადა, რომ მისი მკვლელობა რუსულმა სპეცსამსახურებმა შეუკვეთეს.