თუ თანამედროვე კინემატოგრაფს გადავხედავთ, ბოლო პერიოდში ორი ძალიან პოპულარული და მაღალშემოსავლიანი ფილმი გამოვიდა - დედპული და გალაქტიკის მცველები.

რა იქნებოდა იმაზე უკეთესი თუ ოდესმე ეს ორი ფილმი ერთმანეთს გადაკვეთდა? დიდი ალბათობით ბოქს ოფისების ლიდერ ფილმს მივიღებდით. რა თქმა უნდა ეს იდეა ბევრს მოუვიდოდა თავში, თუმცა ვერავინ წარმოიდგენდა, რომ არც მეტი, არც ნაკლები დედპულის ვარსკვლავი რაიან რეინოლდსი ამ იდეით იქნებოდა გატაცებული.

ყველაფერი კი გალაქტიკის მცველების რეჟისორის, ჯეიმს განის ტვიტით დაიწყო, რომელიც თურმე დედპულის ახალი ნაწილით მოხიბლული ყოფილა. ეს შეუმჩნეველი არ დარჩენია რაიან რეინოლდსს და მაშინვე შესთავაზა ფილმების გაერთიანების იდეა, რაზეც ჯეიმს განი სიამოვნებით დათანხმდა.

რა თქმა უნდა არავინ იცის ხუმრობდნენ თუ არა განი და რეინოლდსი, ამიტომ შეგვიძლია ლოცვა გავაძლიეროთ და ამ ორი შედევრის გაერთიანებას დაველოდოთ.