ბათუმელების ცნობით, საზოგადოებრივი მაუწყებლის პირველი არხის ჟურნალისტი ნოდარ ჩაჩუა დააკავეს.

ბათუმელებს ინფორმაცია საზოგადოებრივი მაუწყებლის დირექტორმა ვასილ მაღლაფერიძემ დაუდასტურა. ვასილ მაღლაფერიძის თქმით, ნოდარ ჩაჩუა საკუთარ სახლში დააკავეს და ეს მის პროფესიულ საქმიანობას არ უკავშირდება.

On.ge-მ ინფორმაციის გადამოწმება შსს-ში სცადა, სადაც განგვიცხადეს, რომ ნოდარ ჩაჩუას დაკავების ფაქტზე ინფორმაციას არ ფლობენ და დამატებითი ცნობების შემთხვევაში დაგვიკავშირდებიან.

ბათუმელების ცნობით, ნოდარ ჩაჩუა დიდი ოდენობით ნარკოტიკული ნივთიერებების შენახვის ბრალდებით დააკავეს.