საქართველოს პროკურატურამ საქართველოს საკონსტიტუციო სასამართლოს თავმჯდომარე გიორგი პაპუაშვილი პროკურატურაში დაიბარა.

როგორც საგამოძიებო უწყება განმარტავს, პაპუაშვილი მოსამართლეებზე შესაძლო ზეწოლის განხორციელების ფაქტებზე, მის მიერ გაკეთებული განცხადებების ირგვლივ დეტალური ინფორმაციის მისაღებად დაიბარეს.

პროკურატურაში აცხადებენ რომ გიორგი პაპუაშვილის მიერ დეტალური ინფორმაციის მოწოდების შემთხვევაში, შესაბამისი სამართლებრივ რეაგირება მოხდება.

საკონსტიტუციო სასამართლოს თავმჯდომარემ გიორგი პაპუაშვილმა 21 ივლისს გამართულ ბრიფინგზე განაცხადა რომ მოსამართლეებზე ზეწოლისა და შანტაჟის ფაქტებს აქვს ადგილი.

პაპუაშვილი: საკონსტიტუციოს მოსამართლეებზე ზეწოლა და თვალთვალი მიმდინარეობს