საპატრიარქოს განცხადებას რუსთავი 2-თან დაკავშირებით, ჭყონდიდის მიტროპოლიტი მეუფე პეტრე ცაავა On.ge-სთან გამოეხმაურა.

კითხვაზე, დაემორჩილება თუ არა საპატრიარქოს განცხადებას და იტყვის თუ არა უარს რუსთავი 2-თან კომუნიკაციაზე, მეუფე პეტრე პასუხობს: "ვემორჩილები უფალ იესო ქრისტეს და ღვთის ნებას!".

დამაზუსტებელ კითხვაზე, ნიშნავს თუ არა ეს პასუხი, რომ რუსთავი 2-თან თანამშრომლობას გააგრძელებს, მეუფე პეტრე პირად შეტყობინებაში წერტილის გამოგზავნით შემოიფარგლა.

საქართველოს საპატრიარქომ დღეს, 24 მაისს განცხადება გაავრცელა, რომლითაც სამღვდელოებას მოუწოდა რუსთავი 2-ს ბოიკოტი გამოუცხადონ. ამის მიზეზად საპატრიარქო რელიგიური გრძნობების შეურაცხყოფას ასახელებს.

ამავე მოტივით რუის-ურბნისის მიტროპოლიტმა იობმა, ეკლესიაში ქადაგებისას, გიორგი გაბუნია შეაჩვენა და დაწყევლა.