თეთრი ხმაურის მოძრაობა შინაგან საქმეთა სამინისტროში გამართული შეხვედრის დეტალებზე ინფორმაციას აქვეყნებს. თხმ-ს ინფორმაციით, შსს-ში ამბობენ, რომ კლუბ ბასიანის ადმინისტრაცია გარეული არაა რეალიზაციის საქმეში, თუმცა მათივე თქმით ეს გარემოება სპეცოპერაციას ვერ შეაკავებდა:

"რაც შეეხება კლუბ გალერის, მათი თქმით კლუბის ერთ-ერთი თანამშრომლის პასუხისმგებლობა იკვეთებოდა, რომელიც დაკავებულია კლუბის მიმდებარე ტერიტორიაზე და არა შიგნით. ვერ მივიღეთ დამაჯერებელი პასუხი თუ რატომ ბასიანი, გალერი, და ბლოუ-ბარი, როცა სასამართლოს განჩინება ჩხრეკაზე გაცემული იყო სხვა კლუბებზეც."

შინაგან საქმეთა სამინისტროში აქცია - ჩვენი თავისუფლების ორგანიზატორებისა და არასამთავრობო ორგანიზაციების მინისტრთან შეხვედრა გუშინ გაიმართა.