შინაგან საქმეთა მინისტრს, გიორგი გახარიას 12 მაისის პარლამენტში 18 მაისს მოუსმენენ. ამის შესახებ ინფორმაცია On.ge-ს უწყების პრესსამსახურმა დაუდასტურა.

გახარია დეპუტატების კითხვებს პარლამენტის პლენარულ სხდომაზე უპასუხებს. შესაძლებელია, რომ მინისტრმა 12 მაისის სპეცოპერაციაზეც ისაუბროს.

12 მაისს, დაახლოებით ღამის 12 საათზე თბილისის ორ ღამის კლუბში, ბასიანსა და გალერიში სპეცოპერაცია ერთდროულად დაიწყო. შინაგან საქმეთა სამინისტრო გავრცელებულ განცხადებაში აღნიშნული იყო, რომ სპეცოპერაციას წინ 3-თვიანი საგამოძიებო მოქმედებები უძღვოდა და მათ ნარკორეალიზების ბრალდებით რვა პირი დააკავეს.

სპეცოპერაციისას კლუბების სტუმრები გარეთ გაიყვანეს. კლუბ ბასიანთან დაპირისპირება იყო სამართალდამცავებსა და მოქალაქეებს შორის. დაპირისპირება გაგრძელდა პარლამენტთან, იმავე ღამეს ჩატარებულ საპროტესტო აქციაზე. აქცია "ჩვენი თავისუფლებისთვის" გაგრძელდა მომდევნო დღეებშიც.

გაიგეთ მეტი: