საქართველოს შინაგან საქმეთა მინისტრის, გიორგი გახარიას თქმით, ბოლო რამდენიმე დღეში კლუბებიდან და მისი მიმდებარე ტერიტორიიდან ნარკოტიკული საშუალებებით ინტოქსიკაციით სასწრაფოების გამოძახების ინტენსივობა გახშირდა. ამ მიზეზით ახსნა გახარიამ კლუბებში ბასიანსა და გალერიში 12 მაისის ღამეს ჩატარებული სპეცოპერაცია.

მინისტრის თქმით, ბოლო რამდენიმე დღეში კლუბებიდან და მისი მიმდებარე ტერიტორიებიდან ინტოქსიკაციის გამო გამოძახებების რიცხვი 48-მდე გაიზარდა. მინისტრმა ასევე აღნიშნა, რომ მათ აქვთ ფაქტებით დადასტურებული 20-მდე შემთხვევაზე ინფორმაცია.

კლუბებში ჩატარებული სპეცოპერაციიდან 62 საათი გავიდა და საქართველოს შინაგან საქმეთა მინისტრმა მხოლოდ ახლა ისაუბრა იქ ჩატარებული მიზეზების შესახებ.

გაიგეთ მეტი ბასიანსა და გალერიში ჩატარებულ სპეცოპერაციაზე და შემდეგ აქციებზე.