როგორ მივაჩვიოთ კატა "ტუალეტში სიარულს"

თუ სახლში შინაური ცხოველი გყავთ და მასზე ზრუნავთ, აუცლებლად გეცოდინებათ, რომ მას დიდი სიყვარულის გარდა, თქვენი სწავლება და აღზრდაც სჭირდება.

დიახ, ისევე როგორც ჩვენი შვილები, თავდაპირველად კატებიც პატარა და გამოუცდელები არიან.

მაგალითად არ იციან თუ სად არის ტუალეტი, თანაც ამხელა სივრცეში, მოსასაქმებლად მათთვის ყველა კუთხე ძალიან მიმზიდველად გამოიყურება.

პირველ რიგში, კნუტი თუ ხალიჩაზე ან ლოგინზე ისაქმებს, სანამ დატუქსავთ, დარწმუნდით, რომ ეს მან სწორედ ახლა გააკეთა, წინააღმდეგ შემთხვევაში ის ვერ მიხვდება რისთვის უბრაზდებით, რაც მას ძალიან გაანაწყენებს.

პატარა ოჯახის წევრებს გული რომ არ ატკინოთ, განაგრძეთ კითხვა და ნახეთ მარტივი ხერხი, როგორ უნდა მიაჩვიოთ კატა "ტუალეტში სიარულს":

გააკეთეთ ტუალეტი

თავდაპირველად შეიძინეთ პლასტმასის დაბალი თასი, რომელზე ასვლასაც კნუტი მარტივად შეძლებს და ჩაყარეთ შიგნით ქვიშა ან ნახერხი. სასურველია ის აივანზე ან აბაზანაში მოათავსოთ.

ასწავლეთ კატას, თუ სად არის მისი ტუალეტი

იმისთვის, რომ კნუტმა თავის ტუალეტს მარტივად მიაგნოს, მისივე შარდში დასველებული ხელსახოცი ქვიშაში ჩადეთ. სახლის იმ ადგილებში კი სადაც მან უკვე მოისაქმა, კარგად მოასუფთავეთ.

ამის შემდეგ, იყავით ყურადღებით და თუ დაინახავთ, რომ კატა თათების უცნაური მოძრაობით თითქოს რაღაცას თხრის, მოკიდეთ ხელი და დასვით ქვიშაზე, რადგან ეს ნიშნავს იმას, რომ ის მოსასაქმებლად ემზადებოდა.

თუ არ დაიზარებთ და რამდენიმე დღის განმავლობაში ასე მოიქცევით, თქვენი ფუმფულა და საყვარელი კნუტი, ძალიან დამჯერი და ჭკვიანი გახდება, თანაც ტუალეტში სიარულს მალევე ისწავლის.

ბოლო ამბები:

გირჩევთ