ბათუმში, დავით აღმაშენებლისა და ტბელ აბუსერიძის ქუჩების კვეთაში საცხოვრებელ კორპუსში ხანძარია. ადგილზე მობილიზებულია 4 სახანძრო-სამაშველო ჯგუფი. შემთხვევის შესახებ On.ge-ს თვითმხილველმა აცნობა.

როგორც On.ge-ს საგანგებო სიტუაციების მართვის სამსახურში უთხრეს, ცეცხლი ახალაშენებული კორპუსის მეექვსე სართულზე გაჩნდა, დამწვარია სამშენებლო მასალა. შემთხვევის შედეგად არავინ დაზარალებულა. უწყების განცხადებით, ხანძარი ლოკალიზებულია.