ლაჟვარდოვან სანაპიროზე კანის რიგით 71-ე კინოფესტივალი დაიწყო.

წელს ჟიურის პრეზიდენტი ავსტრალიელი მსახიობი, ქეით ბლანშეტია, დანარჩენი წევრები კი - ჩინელი მსახიობი ჩენგ ჩენი, ამერიკელი სცენარისტი, რეჟისორი და პროდიუსერი ავა დიუვერნი, ფრანგი რეჟისორი, სცენარისტი და პროდიუსერი რობერტ გედიგიანი, ფრანგი მსახიობი ლეა სეიდუ, ამერიკელი მსახიობი კრისტენ სტიუარტი, კანადელი რეჟისორი და სცენარისტი დენის ვილნევი და სხვები.

ტრადიციულად, კანის ფესტივალი გლამურული წითელი ხალიჩის გარეშე წარმოუდგენელია და რა თქმა უნდა არც გახსნის ცერემონიას ჩაუვლია მის გარეშე.