ქედაში ავტოავარიას 5 ადამიანის სიცოცხლე ემსხვერპლა. აჭარის ტელევიზიის ინფორმაციით, ღვინის სახლთან სატვირთო მანქანა მსუბუქ ავტომობილს დაეჯახა.

შინაგან საქმეთა სამინისტროს ინფორმაციით, გამოძიება სისხლის სამართლის კოდექსის 276-ე მუხლის მეხუთე ნაწილით მიმდინარეობს, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს. დანაშაული ისჯება თავისუფლების აღკვეთით, ვადით ექვსიდან ათ წლამდე, თანამდებობის დაკავების ან საქმიანობის უფლების ჩამორთმევით ვადით სამ წლამდე.