საქართველოს პარლამენტის ჯანდაცვის კომიტეტის თავმჯდომარე, აკაკი ზოიძე ამბობს, რომ სამორინეებში თამბაქოს მოწევის არაკრძალვა ცუდი გამონაკლისია. ამ გამონაკლისის დაშვების მიზეზებზე ზოიძე On.ge-ს ესაუბრა.

"საქართველოს მოქალაქეები რომ დაკარგავდნენ შემოსავალს, ეს იყო ამოსავალი... და რომ ნაკლებად დადიან ჩვენი მოქალაქეები [სამორინეებში]", - ასე განუმარტა ჯანდაცვის კომიტეტის თავმჯდომარემ On.ge-ს სამორინეებში მოწევის არაკრძალვის გამონაკლისის მიზეზის დაშვება.

დეპუტატის თქმით, საქართველოში არსებული სამორინეების მთავარი კონკურენტი კვიპროსია, სადაც მოწევა ნებადართულია. ზოიძემ აღნიშნა, რომ საქართველოში ეს დროებითი ზომაა იქამდე იმოქმედებს, სანამ კვიპროსშიც ნებადართული იქნება.

კითხვაზე - სამორინეების შემთხვევაში ჯანმრთელობის მდგომარეობა ამოსავალი წერტილი რატომ არ იყო - დეპუტატი ასე პასუხობს:

"საერთოდ კაზინოში თუ არ შევლენ ადამიანები, უკეთესი იქნება".

საქართველოში არსებულ დაწესებულებებში მოწევის აკრძალვა დღეიდან, პირველი მაისიდან ამოქმედდა. მცირე გამონაკლისებს შორის მოხვდა სამორინეები.

ამავე თემაზე: