უკრაინის პრეზიდენტმა, პეტრო პოროშენკომ განაცხადა, რომ აშშ-მ უკრაინას ჯაველინების სისტემა უკვე გადასცა. ამის შესახებ პოროშენკომ ფეისბუქზე დაწერა.

"მინდა დაგიდასტუროთ, რომ დიდი ხნის ნანატრი იარაღი უკრაინის არმიაში უკვე ჩამოვიდა", - დაწერა პოროშენკო 30 აპრილს. პრეზიდენტმა, ასევე, მადლობა გადაუხადა აშშ-ს პრეზიდენტ დონალდ ტრამპს.

2017 წლის ბოლოს ტრამპის ადმინისტრაციამ უკრაინისთვის ტანკსაწინააღმდეგო სარაკეტო სისტემის, ჯაველინების მიყიდვა გადაწყვიტა. ჯამში უკრაინამ ჯაველინის 210 რაკეტა და 37 გამშვები მოწყობილობა 47 მილიონ დოლარად შეიძინა.

23 იანვარს ჯაველინების ტიპის ტანკსაწინააღმდეგო სარაკეტო სისტემა საქართველოსაც გადაეცა. თავდაცვის მინისტრმა, ლევან იზორიამ განაცხადა, რომ საქართველო ჯაველინის სისტემას ორ ეტაპად შეიძენს და ჯამში 160 მილიონ ლარს დახარჯავს.