ეროვნულ-დემოკრატიული ინსტიტუტის კვლევის მიხედვით, საქართველოს მოსახლეობის 46 პროცენტი არ დაუჭერს მხარს ქალიშვილს, რომელსაც ჯარში წასვლის სურვილი ექნება. მოსახლეობის მხოლოდ 10 პროცენტი არ დაუჭერს მხარს ვაჟიშვილის ჯარში წასვლას.

ქალიშვილის ჯარში წასვლის გადაწყვეტილება მისაღებია მოსახლეობის თითქმის ნახევრისთვის (49%), ხოლო ვაჟიშვილის წასვლას მხარს უჭერს 86%.

NDI-მ 20 მარტი - 4 აპრილის პერიოდში საქართველოს მასშტაბით წარმომადგენლობითი შერჩევის საფუძველზე 2 194 ადამიანი შეარჩია (გამოპასუხება 46%). კვლევა პირისპირ ინტერვიუს სახით ჩატარდა და მისი ცდომილება 2,2 პროცენტია. კვლევა დიდი ბრიტანეთის მთავრობის UK aid-ის ფინანსური ხელშეწყობით ჩატარდა, საველე სამუშაოები კი CRRC-საქართველომ შეასრულა.