თუ თურქული და ინდური სერიალები ყელში ამოგივდათ, მაშინ თქვენთვის კარგი ამბავი გვაქვს. ბოლო დროის ერთ-ერთი ყველაზე წარმატებული და რეიტინგული ბრაზილიური სერიალი, ამოამვალი მზე, სულ მალე ქართულ ტელეეთერშიც გამოჩნდება.

30 აპრილიდან, 19:00 საათზე, საშუალება გექნებათ გლობოს ახალი, მეგაპოპულარული ტელენოველა ნახოთ, რომელშიც თქვენთვის უკვე კარგად ნაცნობი მსახიობები - ჯოვანა ანტონელი, ბრუნო გაგლიასო, ლეტისია სპილერი, მარსელო ნოვაესი, კლაუდია ოანა, ლაურა კარდოსო, ნივეა მარია და სხვა მსახიობები თამაშობენ.

სერიალის სიუჟეტი ალისისა და მარიოს სიყვარულის ამბავს მოგვითხრობს. ისინი ერთად იზრდებოდნენ და ერთმანეთს მეგობრობაც შეჰფიცეს, თუმცა მას შემდეგ, რაც ალისი იაპონიაში გამგზავრებას გადაწყვეტს, ყველაფერი რადიკალურად იცვლება.

გარდა ტრადიციული, საინტერესო და ინტრიგებით სავსე ისტორიისა, სერიალში კიდევ უფრო მეტად გაეცნობით სამი ქვეყნის - იაპონიის, იტალიისა და ბრაზილიის კულტურას.

ბრაზილიური სერიალის ფინალს გლობოზე 27 მილიონზე მეტმა ადამიანმა უყურა.