ჩრდილოეთ და სამხრეთ კორეის ლიდერებმა პირობა დადეს, რომ კორეის ომი მიმდინარე წელს დასრულდება. ამის შესახებ CNN წერს.

"ორი ლიდერი შეთანხმდა, რომ ომი კორეის ნახევარკუნძულზე აღარ იქნება და მშვიდობის ახალი ერა დაიწყება", - ნათქვამია დეკლარაციაში.

საბრძოლო მოქმედები კორეის ომში 1963 წელს დასრულდა, თუმცა სამშვიდობო შეთანხმება არ გაფორმებულა და მხარეები ტექნიკურად მაინც საომარ მდგომარეობაში იყვნენ.

ჩრდილოეთი და სამხრეთი კორეა ნახევარკუნძულის ბირთვულ განიარაღებაზე შეთანხმდა.

დეკლარაცია ასევე მოიცავს:

  • ოთხმხრივ შეხვედრას, რომელსაც კორეის, აშშ-სა და ჩინეთის წარმომადგენლები დაესწრებიან;
  • ყველა არამეგობრული მოქმედებების შეწყვეტა და არასამხედრო ზონის სამშვიდობო ზონად გარდაქმნა;
  • ვალდებულება გაერთიანდნენ ოჯახები, რომლებიც ომის გამო ერთმანეთს დაშორდნენ. შესაბამისი პროგრამა მიმდინარე წლის 15 აგვისტომდე უნდა ამოქმედდეს;
  • საზღვართან ახლოს საერთო ეკონომიკური ზონის შექმნა;
  • ორ ქვეყანას შორის მმართველობის ყველა დონეზე დიპლომატიური ურთიერთობების გაღრმავება;
  • გაერთიანებული გუნდის შექმნა, რომელიც 2018 წლის აზიურ თამაშებში მიიღებს მონაწილეობას.

კიმ ჩენ ინი ჩრდილოეთ კორეის პირველი ლიდერია, რომელმაც დემილიტარიზებული საზღვარი გადაკვეთა და სამხრეთ კორეის ტერიტორიაზე პრეზიდენტ მუნ ჯეი ინს შეხვდა