სალაჰის ფანტასტიკური სეზონის შემდეგ ბევრს საუბრობენ იმ გუნდებზე, რომლებმაც მისი პოტენციალის გამოყენება ვერ მოახერხეს. ბოლო დღეებში ბევრი იწერება ჟოზე მოურინიოზეც, რომელიც 2015 წელს სალაჰს შეელია.

"ტყუილია, როცა ამბობენ, რომ მისი გაშვება ჩემი პირადი გადაწყვეტილება იყო. იგი მე შევიძინე და მისი იჯარით გაშვებასაც დავთანხმდი, თუმცა თავად გადაწყვეტილება კოლექტიური იყო", - აღნიშნა მოურინიომ.

საინტერესოა, რომ ჟურნალისტებმა მისი 2015 წლის ინტერვიუ გაიხსენეს, სადაც პორტუგალიელი სპეციალისტი იმაზე საუბრობდა, რომ სალაჰის საჭიროება ნაკლებად იყო.

"მის გაყიდვაზეც თანახმა ვართ და იჯარაზეც, რადგან მის პოზიციაზე ხუთი ფეხბურთელი გვყავს".